|
الحسن منصوفه ابْديدك |
 |
|
■الشاعر
: محمد بن سيف العتيبة ■الغرض
: الغــزل
■البحر
: التغرودة ■اللهجة
: شعبي ■التفعيلة
: فاعلن مستفعلن فاعل × 2 ■القافية
: ك
■الدولة
: الإمارات ■المدينة
: دبي ■تاريخ
القصيدة : 13-01-1995
■المناسبة
:
|
|
|
ليس كِلْ من جاك وَدِّيـدِكْ
و لا ابْعيدِكْ وِدِّهْ افْراقِكْ
ليتْ يَفْـنِدْ ناسِهْ اسْعيدِكْ
وْ يَسْتِحِسِّ اشْعور عَـشّاقِكْ
إنْتْ لي شوقي لِكْ ايْزيدِكْ
إنْ بِدى لِكْ عَنّي آفاقِكْ
بي تِجَـنّيك وْ مِواعيدِكْ
لي هِبَتْ وِ انْقوضْ ميثاقِكْ
يا نِصَخْ روحي تِصَدِّيدِكْ
وِ امْـتِـناعِكْ جِهْدِه ألْـحاقِكْ
إنْتِ للنـسْمه تِمَـيّـيدِكْ
جَلْ مِنْ سَـوّاك خلاّقِكْ
نوضْ عاشي بَزْغَهْ اخْديدِكْ
يا السّـمي تَـسْمو بِكْ أخْلاقِكْ
تَـتِّـليك اسْـروح لَـعْـذاقِكْ
الحِسِنْ مَـنْـصوفه ابْديدِكْ
بِه يِمَـنّي العين مِنْ تاقِكْ
ذوق في مَنْـطوقِكْ ايْشيدِكْ
لا خِلَفْ ربّي لِكْ أذْواقِكْ
طباعة القصيدة
