|
بنهي جدا خلٍ هجر |
 |
|
■الشاعر
: محمد بن سيف العتيبة ■الغرض
: الغــزل
■البحر
: ثلثي الرجز ■اللهجة
: شعبي ■التفعيلة
: مستفعلن مستفعلن × 2 ■القافية
: ر
■الدولة
: الإمارات ■المدينة
: دبي ■تاريخ
القصيدة : 19-07-1992
■المناسبة
:
|
|
|
بَـنْـهَيْ جدا خِلٍ هِجَرْ
لو كان بي هَجْرَه مِـرير
يا غِر بي فِعْـلِكْ خطَرْ
و هذا الهَجِر فعلاً خطير
أسهَـرْ أنا لين الفَجِـرْ
و انْتِهْ على عكسي تسير
ما بِكْ وِهى لاضي السعير
و اخْديد لِكْ أعْـفَرْ حرير
وِ امْبـيسِمِكْ حالي حَمَرْ
وخَشْمِكْ شَرَ السيف اليِرير
لو مِنْ نِظَرْ شافِك طِـفَرْ
لَقال لي هـذا مُـثـيـر
هـذا مَلَكْ يانا بـشـير
وِانْساب من قلبَه عـبير
لَنِّ الحِسِنْ له فيك سِـرْ
و لَنِّ الحسنْ لكْ فيه سير
و انتْ الذي مالك نظـير
و يا عاذلي بَسِّـك وِ ذَرْ
عَنْك التدخّلْ و النـبـير
ذوق الصَّبِرْ يا الغرِّ مِرْ
وِامْـغالِـبَه أمرٍ عـسير
طال الزّمَـنْ ولاّ قِصَـرْ
با غِبِّ في البَحْرِ الغزير
صَبْـرِكْ علـيّه يا أمير
مَتْرى القَلِبْ شار وْ عِثَرْ
و انتِهْ بَعَدْ كَنِّكْ غِـتـير
أهوى الهِوى فيكُمْ كِـثِرْ
نَفِّ المِطَرْ عند الغـدير
بوطى لِكُمْ أرْض الوِعَرْ
و الْ قِرْبِـكُمْ دايم بَسير
لي سَجَّتْ ابْـفكر الشوير
ذايرْ و لا لِـه مِنْ يِذيـر
بالطيف و الطايِفْ كـثير
بَـنْـهَيْ جدا خِلٍ هِجَرْ
لو كان بي هَجْـرَه مِرير
طباعة القصيدة
