|
كبتـشـينو |
 |
|
■الشاعر
: محمد بن سيف العتيبة ■الغرض
: الغزل الهـزلي
■البحر
: الــردح ■اللهجة
: شعبي ■التفعيلة
: مستفعلن مستفعلن فاع × 2 ■القافية
: ب
■الدولة
: الإمارات ■المدينة
: دبي ■تاريخ
القصيدة : 09-03-1996
■المناسبة
: كنت قاعد أشرب كبتشينو مع بعض الأصدقاء و الباقي تكمله القصيدة
|
|
|
حِـبِّـكْ وِ ذَوّبْـني تِـذَوّيبْ
و لو بالحديد إنْ كان بَيْـذوبْ
وايِدْ ايْـسـوّي لي لِواهيبْ
بأقصى سويدا القَلْبِ لاهـوبْ
أخْـشى صِدودك و التعـذّيبْ
و انتِه غرامِـكْ فيه لِعْـذوبْ
جيـراد فيه امْنِ الرعابيـبْ
من كِـلِّ صنف و كِلِّ رَعبوبْ
فيه اليـوازي و المطاليـبْ
ولا غيرك إليِهْ في مَطْـلوبْ
بَـنْـدِبْ أنا صوبِكْ مناديبْ
باللي بغيته هـوب مَنْـدوبْ
كمْ يَـرتجـيني مِ المحابيـبْ
و غـيركْ فلا لي حَدْ محبوبْ
خبّرتْ راعي الكوفي ايْـيّبْ
حَـقِّـكْ كبتـشينو و مايوبْ
لَـنّـكْ عليه مِ المحاسيـبْ
محسوب عندي اليوم محسوبْ
حِـبِّـكْ وِ ذَوّبْـني تِـذَوّيبْ
و لو بالحديد إنْ كان بَيْـذوبْ
طباعة القصيدة
